Компания басшылығы
Бексолтан Айдын Ордабекұлы
«Қазақстан коммуналды жүйелері» ЖШС техникалық директоры
УБексолтан Айдын Ордабекұлы 1978 жылы 20 қазанда Алматы қаласында дүниеге келген. 2000 жылы Алматы энергетика және байланыс институтын «Электрэнергетика жүйесі және желілер» мамындығы бойынша тамамдады. Біліктілігі бойынша «инженер-энергетик». Сонымен қатар, 2010 жылы академик Е.А.Букетов атындағы Қарағанды Мемлекеттік университетінің «Есеп және аудит» мамандығын меңгеріп шықты.
Айдын Ордабекұлы 23 жылдан бері энергетика саласында еңбек етіп келеді.
Айдын Бексолтан еңбек жолын 2000 жылы «Көкшетау ЭТК» АҚ қарасты Көкшетау қалалық электр желілері учаске басшысының орынбасары қызметінен бастаған. Кейіннен аталған компанияның электр энергиясын өткізу аумақтық учаскесінің басшысы болып тағайындалды.
2002-2006ж.ж. Айдын Бексолтан электр монтері, кейіннен «KEGOC» АҚ Жүйеаралық электр желілерінің Ақмола филиалына қарасты Көкшетау аумақтық электр желілерінде релелік қорғаныс және автоматика инженері болып еңбек етті.
Айдын Ордабекұлы 17 жылдан бері «Қазақстан коммуналды жүйелері» компаниялар тобында үздіксіз жұмыс істеп келеді.
2006 жылы Айдын Бексолтан «Қазақстан коммуналды жүйелері» ЖШС ағымдағы жөндеу және пайдалануға беру бөлімінің бас маманы қызметіне тағайындалды.
2007-2008 жылдары Айдын Ордабекұлы - «Қазақстан коммуналды жүйелері» Тобына қарасты «Қарағанды Жылу» ЖШС техникалық-өндірістік бөлімі басшысының орынбасары, жөндеуге дайындық бөлімінің басшысы болып еңбек етті.
2008-2011 жылдары «Қазақстан коммуналды жүйелері» Тобына қарасты «Қарағанды Жарық» ЖШС бас инженерінің орынбасары, өндірістік-техникалық департаменті директорының орынбасары қызметін атқарды.
2011-2014 жылдары Айдын Бексолтан – «Қарағанды Жарық» ЖШС күрделі құрылыс қызметі техникалық директорының орынбасары болып жұмыс істеді.
2014-2017 жылдары «Қарағанды Жарық» ЖШС даму Департаментінің директоры лауазымын атқарды.
2017-2021 жылдары Айдын Бексолтан - «Қазақстан коммуналды жүйелері» Тобына қарасты «Қарағанды энерго орталық» ЖШС атқарушы директоры қызметін жасады.
2021 жылдың 22 ақпанынан 2023 жылдың тамызына дейін -«Қазақстан коммуналды жүйелері» Тобына қарасты «Өскемен ЖЭО» ЖШС бас директоры болып еңбек етті.
2023 жылдың 18 қыркүйегінен Айдын Ордабекұлы «Қазақстан коммуналды жүйелері» ЖШС техникалық директоры қызметіне тағайындалды.
Айдын Бексолтан «Қазақстан электр энергетикалық Қауымдастығының еңбегі сіңген энергетигі» атағына ие болған.
Үйленген, 3 бала тәрбиелеп отыр.