Компания басшылығы

Тулеков Алибек Маратұлы 1989 жылы 31 наурызда Қостанай облысы, Арқалық қаласында дүниеге келген. 2013 жылы University of Southampton (Ұлыбритания) университетін «Менеджмент және бухгалтерлік іс» мамандығы бойынша сәтті аяқтады.

Сондай-ақ, 2015 жылы Bournemouth University (Ұлыбритания) университетін бітіріп, «Халықаралық инвестициялар және қаржы» (MBA) ғылымдарының магистрі дәрежесін иеленді.
Еңбек жолын 2013 жылы Deloitte TCF LLP Консалтинг департаментінің кеңесшісі ретінде бастаған.

2015 жылдан бастап Алибек Тулеков «Интергаз Центральная Азия» АҚ Бизнесті жоспарлау және тарифтерді қалыптастыру департаментінің 1 санатты менеджері болып тағайындалды.

2017 жылдың маусым айынан бастап Алибек Маратұлы «Қазақстан коммуналдық жүйелері» ЖШС Корпоративтік даму бөлімінің маманы, бас маманы, содан кейін жетекшісі қызметтерін атқарды.

2021 жылдың маусымынан бастап «Қазақстан коммуналдық жүйелері» ЖШС корпоративтік даму жөніндегі директоры қызметіне тағайындалды.

Лауазымдық міндеттеріне сәйкес, ол корпоративті дамыту, стратегиялық жоспарлау мәселелеріне жауап береді және Қазақстан коммуналдық жүйелері тобының инвестициялық жобаларын іске асыруға тікелей қатысады.
«ГОЭЛРО-ға 100 жыл» медалімен марапатталған.