«Қарағанды Жарық» ЖШС-нің инвестициялық бағдарламасы аясында 2023–2027 жылдарға жоспарланған «Қарағанды» қосалқы станциясын кезең-кезеңімен жаңғырту жобасы іске асырылуда.
Қазіргі таңда бірқатар маңызды жұмыстар орындалды:
— 110 кВ ашық тарату құрылғысының (АТҚ) аумағы жоспарланды;
— 6 кВ жабық тарату құрылғысының (ЖТҚ) жаңа ғимараты салынды;
— 110 кВ АТҚ қайта жаңғыртылды;
— CHINT өндірісінің 110/35/6 кВ заманауи трансформаторы орнатылды.
2026 жылы тұтынушыларды ескі 6 кВ ЖТҚ ғимаратынан жаңасына көшіру жоспарланып отыр. Бұл нысанды жаңғыртудың келесі кезеңі болмақ.
Жобаны жүзеге асыру Қарағанды қаласы тұтынушыларын электр энергиясымен қамтамасыз етудің сенімділігі мен сапасын едәуір арттыруға мүмкіндік береді.
