Бүгін Өскеменде жылыту маусымы басталып, қала тұтынушыларын жылуға қосу жұмыстары жүргізілуде.
Жылыту маусымына дайындық аясында Өскемен жылу электр орталығының энергетиктері ауқымды жұмыс атқарды. Жаз бойы станцияда негізгі және қосалқы жабдықтарға жөндеу жүргізіліп, олардың техникалық жай-күйі тексерілді және алдағы қысқы кезеңдегі тұрақты жұмысқа дайындығы қамтамасыз етілді.
Қала қалыпты тіршілігін жалғастырып жатқанда, энергетиктер тәулік бойы, кез келген ауа райында жұмыс істеп, жылу беру маусымының сенімді басталуына қажетті барлық шараларды орындады.
Атқарылған жүйелі жұмыстың нәтижесінде бүгін Өскемен қаласының тұтынушыларын жылумен қамту басталды.
Алда — жауапты қысқы кезең. Өңірдің барлық коммуналдық кәсіпорындарына тұрақты, қауіпсіз және апатсыз жұмыс тілейміз!