№ 2194 трансформаторлық қосалқы станцияда жабдықтарға ағымдағы жөндеу жүргізіліп, түйіспелі қосылыстар тексерілді, ішкі үй-жайлардың қабырғалары мен төбелері шаңнан тазартылды. Сондай-ақ күштік трансформаторға трансформатор майы қосымша құйылды.
№ 263 трансформаторлық қосалқы станцияда мамандар түйіспелі қосылыстарды тексеріп, ішкі үй-жайлар мен трансформатор камераларын шаңнан, ластанудан және май қалдықтарынан тазартты. Сонымен қатар ПН-2 типті және 6 кВ кернеуге арналған ПКТ сақтандырғыштары ауыстырылып, трансформаторға май қосымша құйылды және сыртқы есіктердің бояуы жаңартылды.
Жоспарлы жөндеу-профилактикалық жұмыстар жабдықтардың техникалық жарамдылығын қамтамасыз етуге, ықтимал ақаулардың алдын алуға және апаттық ажыратулар қаупін төмендетуге бағытталған.
«Қарағанды Жарық» ЖШС электрмен жабдықтаудың сенімділігі мен сапасын арттыруға ерекше көңіл бөле отырып, электр желілері инфрақұрылымына техникалық қызмет көрсету және оны жаңғырту жұмыстарын жүйелі түрде жүзеге асырып келеді.