Энергетикалық инфрақұрылымды жаңғырту және жылумен жабдықтау сенімділігін арттыру Өскемен ЖЭО қызметінің басым бағыттарының бірі болып қала береді. Мемлекет басшысының Қазақстан халқына Жолдауында айқындалған міндеттерге сәйкес кәсіпорын жабдықтардың техникалық дайындығын қамтамасыз ету және тұтынушыларды энергиямен тұрақты жабдықтау бағытындағы жүйелі жұмыстарды жалғастыруда.
2026 жылғы жөндеу науқаны барысында станцияда төрт қазандық агрегаты мен екі турбоагрегатқа күрделі жөндеу жүргізілді. Атқарылған жұмыстар жабдықтардың пайдалану сенімділігін арттыруға, технологиялық ақаулардың туындау қаупін азайтуға және қыс мезгіліндегі ең жоғары жүктемелер кезінде жылу электр орталығының тұрақты жұмысын қамтамасыз етуге бағытталған.
Жалпы, Шығыс Қазақстан облысында Жүйелік оператордың жоспарына сәйкес сегіз қазандық агрегаты мен үш турбоагрегат күрделі жөндеуден өтті. Осылайша, өңірде күрделі жөндеуден өткен қазандық агрегаттарының 50%-ы және турбоагрегаттардың үштен екісі Өскемен ЖЭО-ның үлесіне тиесілі.
Қазіргі уақытта Өскемен ЖЭО штаттық режимде жұмыс істеп, электр және жылу энергиясын өндіруді қамтамасыз етуде. Станцияда алты қазандық агрегаты мен төрт турбоагрегат пайдаланылуда. Жылыту маусымынан тұрақты өту үшін кәсіпорында қажетті отын қоры жасақталған.
Негізгі және қосалқы жабдықтардың техникалық жай-күйін тұрақты бақылауға, температуралық кестелердің сақталуына және өндірістік қуаттардың үздіксіз жұмысын қамтамасыз етуге ерекше назар аударылуда.
Жөндеу бағдарламасының уақтылы орындалуы Өскемен ЖЭО-ның жылыту маусымына дайындығының және қала тұрғындары мен кәсіпорындарын жылу және электр энергиясымен сенімді қамтамасыз етудің маңызды құрамдас бөлігі болып табылады.
Энергетикалық инфрақұрылымның сенімділігін арттыру жұмыстары станцияны дамыту мен жаңғыртудың ұзақ мерзімді бағдарламасы аясында жалғасуда.